itnii Khushbuu hai ke dam ghuTtaa hai

by Ahmed Nadeem Qasmi

itnii Khushbuu hai ke dam ghuTtaa hai
ab ke yuuN TuuT ke aayii hai bahaar
aag jaltii hai ke khilte haiN chaman
rang shoalaa hai to nikhat hai sharaar
ravishoN par hai qayaamat ka nikhaar
jaise taptaa ho javaanii kaa badan
aablaa ban ke tapakTii hai kalii
kopaleN phuuT ke lau detii haiN
ab ke gulshan meN sabaa yuuN bhii chalii

Rate this poem: 

Reviews

Post review

No reviews yet.

Report violation