Classic Poem

Folk sillerless may ca' us, —
We ha' unco little gear;
Our wealth is gathering gey an' slow, —
'Twill ne'er be great, I fear.
But though our lot be laigh eneuch,
An' though our life be wae,
We never yet ha'e fail'd a friend
And never fear'd a fae!

Although our parrich-cup be sma',
To him who needs it yet
We'll spare a sup, an, wi' the lave
A blessin' we will get.
We' fendit aye in days gane by —
We' fend through monie mae —
An never fail a trustin' friend
An' never fear a fae!

Though some folk think that a' thing gude
In palaces doth dwell —
An' though the poor to tempt an' vex,
Ha'e mair than I may tell;
There's a thing yet — there's twa things yet —
To brag o', that we ha'e —
We never, never fail'd a friend,
A'n never fear'd a fae!

Folk shou'dna mind the ragged coat,
Nor yet the horny han', —
'Tis by the heart his breast doth hap
That they should judge the man.
Ye ken there are in cottages,
Where poor folk plackless gae,
True hearts that never failed a friend,
An' never fear'd a fae!