Classic Poem

Of on that is sOfayr and bright,
Velut maris stella ,
Brighter than the day is light,
Parens et puella .
Ic crie to the, thou see to me
Levedy, preye thi sone for me.
Tam pia ,
That Ic mote come to the
Maria .

Al this world was for-lore
Eva peccatrice ,
Tyl our Lord was y-bore
De to genetrice .
With ave it went away,
Thuster nyth and comz the day
Salutis ;
The welle springet hut of the
Virtutis .
Levedy, flour of alle thing,
Rosa sine spina ,
Thu bere Jhesu hevene king
Gratia divina ,
Of alle thu berst the pris,
Levedy, quene of paradys,
Electa .
Mayde milde, moder es
Effecta .