Classic Poem

Synnars repent, that ye have spent
Your tyme in wickitnes:
Bot now be bent, with trew intent,
To leif in godlines.

Your lyvis mend; and not offend
Your gracious God na mair.
Think on the end; how ye man wend
Away, nakit and bair.

Thairfoir ask grace, while ye have space,
At God, for your grit miss.
Sin fra yow chace: preis to that place
Quhair ay is joy and bliss.

Luif God ay best: all sin detest;
And fals hypocrisie.
Luif peace and rest; and nane molest;
Bot leif in chirritie.