1

Lang heff I maed of ladyes quhytt.
Nou of an blak I will indytt
That landet furth of the last schippis.
Quhou fain wald I descryue perfytt
My ladye with the mekle lippis.

2

Quhou schou is tute mowitt lyk an aep,
And lyk a gangarall onto graep,
And quhou hir schort catt nois vp skippis,
And quhou schou schynes lyk ony saep,
My ladye with the mekle lippis.

3

Quhen schou is claid in reche apparrall
Schou blinkis als brycht as an tar barrell.
Quhen schou was born the son tholit clippis,
The nycht be fain faucht in hir querrell,
My ladye with the mekle lippis.

4

Quhai for hir saek with speir and scheld
Preiffis maest mychtellye in the feld,
Sall kis and withe hir go in grippis
And fra thyne furth hir luff sall weld,
My ladye with the mekle lippis.

5

And quhai in fedle receawes schaem
And tynis thair his knychtlie naem,
Sall cum behind and kis hir hippis
And newir to wther confort claem,
My ladye with the mekle lippis.