Classic Poem

Takraa hii gaii merii nazar un kii nazar se
dhonaa hii parDaa haath mujhe qalb-o-jigar se

izhaar-e-mohabbat na kiyaa bas isii Dar se
aisaa naa ho gir jaa uun kahiin un kii nazar se

ai zauq-e-talab josh-e-junuun ye to bataa de
jaanaa hai kahaaN aur ham aaye hain kidhar se

'Fayyaz' ab aayaa hai junuun josh pe apnaa
haNstaa hai zamaanaa main guzartaa huun jidhar se