Classic Poem

O Arniston! sweet Arniston!
Dear, dear art thou to me;
For wandering 'mang thy leafy woods,
My wife and bairnies three
Hae gather'd rose-bloom on their cheeks,
Now dimpled high wi' glee,
That lately sad and dowie dwined,
In death's dark hame wi' me.

O Arniston! fair Arniston!
By burn and flowery brae,
By upland lawn and craggy glens,
How sweet at eve to stray!
While round us a' our blooming pets
Their joyous pranks resume,
An' romp like fays amang thy braes,
Thick strown wi' gowden broom.

O Arniston! dear Arniston!
My first, my greatest grief,
'Mid thy lone woods, in tears of joy,
Felt genial kind relief.
The cushat lo'es thy forest glades,
The lark thy verdant lea;
But by dim memory's grateful ties
Thou'rt knit to mine and me.