A wee bird, weary o' her hame,
Flew far awa' into the west,
An' whaur she thocht nae birdies came,
She built hersel' a lanely nest.

A neibor birdie, cauld an' weet,
Ae day socht shelter i' the tree,
An' near the nestie, low an' sweet,
He sang his luve fu' tenderly.

She listened wi' a flutterin' breast;
An' losin' a' her lanely pride,
She bad' him 'till her cosy nest,
An' creepit closely to his side!

An' aye sinsyne, in weal or woe,
The birdies hae been ne'er apart;
By day they heavenwards singin' go,
By nicht they nestle heart to heart.