Classic Poem

CHORUS .

T HOU bonny wood of Craigie lea,
Thou bonny wood of Craigie lea,
Near thee I pass'd life's early day,
And won my Mary's heart in thee.

The broom, the brier, the birken bush,
Bloom bonny o'er the flow'ry lea,
And a' the sweets that ane can wish
Frae Nature's hand, are strew'd on thee.

Far ben thy dark green planting's shade,
The cushat croodles am'rously,
The mavis, down thy bughted glade,
Gars echo ring frae ev'ry tree.
Thou bonny wood, &c.

Awa', ye thoughtless, murd'ring gang,
Wha tear the nestlings ere they flee!
They'll sing you yet a canty sang,
Then, O in pity let them be!
Thou bonny wood, &c.

When Winter blaws in sleety show'rs,
Frae aff the norlan hills sae hie,
He lightly skiffs thy bonny bow'rs,
As laith to harm a flow'r in thee.
Thou bonny wood, &c.

Though fate should drag me south the line,
Or o'er the wide Atlantic sea,
The happy hours I'll ever mind,
That I in youth hae spent in thee.
Thou bonny wood, &c.