Eneas wonderit the greitnes of Cartaige,
Quhilk laite befoir hed bene ane small cottage;
The fare portis also he farleit fast,
And of the brute of peple thairat inpast,
The large stretis pathit by and by,
The besy Tirianis lauborand ardently;
Ane part haistis to beild the wallis wicht,
And sum to raise the greit castell on hicht,
And wolt wp stanes to the werk on hie;
Sum graithis fast the thak and rufe of tree,
And sum about delvis the fowssy deip;
Sum chesis officiaris the lawis for to keip,
With conselouris and senatouris, wise folkis;
Gonder wther sum the new havin holkis,
And heir also, ane wther end fast by,
Lais the fundament of the theatry;
And wtheris eik the huge pillaris greit
Out of the querillis can to hew and beit,
For to adorne that place in all degre,
In tyme cuming quhar greit tryumph suld be.
Lyke to the beis, on feildis flurest new,
Gadering thair werk of mony divers hew,
In soft somer the brycht son hait schyning,
Quhen of thair kynd thaim list swarmis furth bring,
Or in camys incluse the hwny clene,
And with sweit liquor stuffis ther cellis schene,
Or ressa vis the birdingis frome wther thairout,
Or fra thair hife togiddir in a rout
Expellis the bowbart beist, the faynt drone be;
Thair labour is besy and fervent for to se,
The hwny smellis of the sweit tyme seid.