Classic Poem

Come, sit amang the daisies,
Beside the violets blue,
A dream I have to tell you —
An' O! if it were true!
For 'tis o' love an' happiness,
An ither fireside things:
The scenes o' Scotland's cottage hames
That dream before me brings.

I thought that baith thegither
We gaed across the sea,
An' deep into the forest land
O' yon far countrie;
Syne we chose a very pleasant spot
Beside a woodland lake,
An' there a lowly forest hame,
Of tall trees, we did make.

We biggit it beside a stream,
Within a forest glade,
Where the fairest o' the woodland things
Their dwelling-place had made.
It was a lowly hamestead,
An' round it, to an' fro,
A sun nursed flower its clusters rich
Fu' gracefully did throw.

We reared our modest dwelling —
We cleared our forest land —
An' through the bosky glens sae wild
We wander'd hand in hand.
Like a voice frae hame, the blue bird
Aye cheer'd us wi' its sang; —
We were as happy in the woods
As simmer days are lang.

My dream o' peace an' happiness
Was far o'er gude to last:
The light grew dim, syne passed away, —
The sky grew sair o'ercast.
'Twas but a vision o' the night,
An' came but to deceive;
But, boding 'o a gown o' gowd,
We 'll maybe get the sleeve!