Classic Poem

An' Charlie he's my darling,
My darling, my darling!
Charlie he's my darling,
The young Chevalier!

'Twas on a Monday morning,
Right early in the year,
That Charlie cam' to our town,
The young Chevalier!

As he was walking up the street,
The city for to view,
O, there he spied a bonnie lass
The window lookin' through.

Sae light's he jimpèd up the stair,
An' tirlèd at the pin;
An' wha sae ready as hersel
To let the laddie in?

He set his Jenny on his knee,
A' in his Highland dress;
For brawlie weel he kenned the way
To please a lassie best.

It's up yon heathery mountain,
An' down yon scroggy glen,
We daur na gang a-milking
For Charlie an' his men!

An' Charlie he's my darling,
My darling, my darling!
Charlie he's my darling,
The young Chevalier!