Classic Poem

Clerk Colvill and his lusty dame
Were walking in the garden green;
The belt around her stately waist
Cost Clerk Colvill of pounds fifteen.

O promise me now, Clerk Colvill,
Or it will cost ye muckle strife:
Ride never by the wells of Slane
If ye wad live and brook your life.

Now speak nae mair, my lusty dame,
Now speak nae mair of that to me;
Did I ne'er see a fair woman
But I wad sin with her fair body?

He 's ta'en leave o' his gay lady
Nought minding what his lady said,
And he 's rode by the wells of Slane
Where washing was a bonny maid.

Wash on, wash on, my bonny maid,
That wash sae clean your sark of silk:
And weel fa' you, fair gentleman,
Your body 's whiter than the milk.

[He 's ta'en her by the milk-white hand
And likewise by the grass-green sleeve;
An' laid her down upon the green,
Nor of his lady speer'd he leave.]

Then loud, loud cry'd the Clerk Colvill,
O my head it pains me sair;
Then take, then take, the maiden said,
And frae my sark you'll cut a gare.

Then she 's gi'ed him a little bane-knife
And frae h[er] sark he cut a share;
She 's ty'd it round his whey-white face,
But ay his head it aked mair.

Then louder cry'd the Clerk Colvill,
O sairer, sairer akes my head;
And sairer, sairer ever will,
The maiden crys, 'till you be dead.

Out then he drew his shining blade,
Thinking to stick her where she stood,
But she was vanish'd to a fish
And swam far off a fair mermaid.

O mother, mother, braid my hair;
My lusty lady, make my bed;
O brother, take my sword and spear,
For I have seen the false mermaid.