Ein wunderliches kunder,
gargon es geheisen was
wilent, swer das hobet sach, der wart ein stein.
bi der zit ein ritter lebte, der hies antheus,
den nam des michel wunder,
das nieman vor im genas.
er wart in sinem mvte des enein,
das er macht ein kristallin schilt vnd trüg den svs
vor sinen ogen, er sach es dur den schilt vnd streit
mit im; er slüg es so manlichen,
das man es noch von im seit.
ir werden fürsten, merkent disen list!
dem ritter svlt ich uch gelichen!
swa ein valsches hobet ist,
secht es dvrh eren klaren schilt,
vnd slahet es, wan es keiner arger dinge niht bevilt!