CANARY , bowing politely and looking sweet : —

Yes, I lo'e thee, and though free,
Wadna say thee nay, laddie,
But we'd baith thegither flee
To my land awa', laddie;
Where the sun is warmly shining,
And the vines their tendrils twining,
Offering such luscious dining.
Tho' it's far awa', laddie,
We wad be sae happy there;
'Mong myrtle bowers, free o' care,
We'd roam and sing, and never mair
Dream o' prison wa's, laddie!

Linnet , lovingly but independent: —

Could I burst these prison bars,
Glad I'd flee awa', lassie,
Yet I wadna gang sae far
As ye'd hae me gae, lassie,
We wad wander baith thegither
A' the joyful simmer weather.
'Mang the bonnie bloomin' heather,
And the broom sae braw, lassie.
We wad spend the gowden hours.
'Mang the fairest o' the flowers,
Syne in scented birken bowers
Nestle till the daw, lassie.

I wadna leave my native hills
To gang far awa' lassie;
The like o' their crystal rills
Germany ne'er saw, lassie!
Drinking frae their siller treasure,
Bathing in their wave wi' pleasure.
O our joy wad hae nae measure,
Gin we'd win awa', lassie.
And ye wad be my bonnie dear
Amang beauties far and near,
Dressed sae rich in gowden gear,
Queen aboon them a', lassie!

Both together: —

Let us not, my love, repine,
Tho' oor cot's but sma', laddie — lassie;
Tho' we to your land or mine
Canna win awa', laddie — lassie;
Tho' we cross no plain nor ferry,
Mount nor vale, for blade nor berry,

Love can mak' oor hame as merry
As a festive ha', laddie — lassie.
How sweetly J. S. Blackie sings
The bird that does not fret its wings,
But with full-breasted joyance flings
His soul in song awa', laddie — lassie!