And Turnus than, quhar he at erth dyd ly,
Addressis furth full humyll and lawly
Towart Ene hys sycht and ene tway,
And strekis eik hys rycht hand him to pray.
And thus he said: forsuyth, I have deserve
The deid, I knaw, and of thy hand to sterve,
Ne will I nocht beseik the me to spayr;
Oys furth thy chance: quhat nedis proces mar?
Bot gif that ony cuir or thocht quod he,
Of ony wofull parent may tuiche the,
Have rewth and mercy of kyng Dawnus the auld;
Thou had forsuyth, as I have hard betald,
Anchises, sik a fader as is he;
And me, or than, gif bettyr likis the,
My body, spul3eit and the life byreft,
Onto my folkis thou may rendir eft.
Thou hes me venquyst, I grant, and me ourcum.
Italian pepill present all and sum
Hes sene streik furth my handis humely;
Lavinia is thy spows, I nocht deny:
Extend na forthir thy wraith and matalent.
Eneas stern in armis tho present
Rolland hys ene towart Turnus dyd stand,
And lyst nocht stryke, bot can withdraw his hand;
And mor and mor thir wordis, by and by,
Begouth inclyne hym to reuth and mercy,
Abydand lang in hovir quhat he suld do:
Quhen, at the last, on Turnus schuldir, lo!
The fey gyrdill hie set dyd appeyr,
With stuthis knaw and pendeis schynand cleyr,
The belt or tysche of the child Pallas,
Quhilk by this Turnus laitly venquyst was,
As we have said, and wyth a grevus wound
Slane in the feld, bet doun, and brocht to ground;
And Turnus, in remembrans of this thing,
Abowt his schuldris bayr this onfrendly sing.
Bot eftir that Eneas wyth his ene
Sa cruell takynnys of dyseis hes sene,
And can sik weid byreft thar aspy,
All full of furor kyndillis he in hy,
Full brym of ire and terribill thus can say:
Sall thou eschape me of this sted away,
Cled with the spul3e of my freindis deyr?
Pallas, Pallas, with this wond rycht heyr
Of the ane offerand to the Goddis makis,
And of thy wikkit blude punytioun takis.
And sayand thus, full fers, with all his mayne,
Law in his breist or cost, lay hym forgayne,
Hys swerd hes hyd full hait; and tharwythall
The cald of deid dissoluit his membris all,
The spreit of lyfe fled murnand wyth a grone,
And with disdeyn under dyrk erd is gone.
Addressis furth full humyll and lawly
Towart Ene hys sycht and ene tway,
And strekis eik hys rycht hand him to pray.
And thus he said: forsuyth, I have deserve
The deid, I knaw, and of thy hand to sterve,
Ne will I nocht beseik the me to spayr;
Oys furth thy chance: quhat nedis proces mar?
Bot gif that ony cuir or thocht quod he,
Of ony wofull parent may tuiche the,
Have rewth and mercy of kyng Dawnus the auld;
Thou had forsuyth, as I have hard betald,
Anchises, sik a fader as is he;
And me, or than, gif bettyr likis the,
My body, spul3eit and the life byreft,
Onto my folkis thou may rendir eft.
Thou hes me venquyst, I grant, and me ourcum.
Italian pepill present all and sum
Hes sene streik furth my handis humely;
Lavinia is thy spows, I nocht deny:
Extend na forthir thy wraith and matalent.
Eneas stern in armis tho present
Rolland hys ene towart Turnus dyd stand,
And lyst nocht stryke, bot can withdraw his hand;
And mor and mor thir wordis, by and by,
Begouth inclyne hym to reuth and mercy,
Abydand lang in hovir quhat he suld do:
Quhen, at the last, on Turnus schuldir, lo!
The fey gyrdill hie set dyd appeyr,
With stuthis knaw and pendeis schynand cleyr,
The belt or tysche of the child Pallas,
Quhilk by this Turnus laitly venquyst was,
As we have said, and wyth a grevus wound
Slane in the feld, bet doun, and brocht to ground;
And Turnus, in remembrans of this thing,
Abowt his schuldris bayr this onfrendly sing.
Bot eftir that Eneas wyth his ene
Sa cruell takynnys of dyseis hes sene,
And can sik weid byreft thar aspy,
All full of furor kyndillis he in hy,
Full brym of ire and terribill thus can say:
Sall thou eschape me of this sted away,
Cled with the spul3e of my freindis deyr?
Pallas, Pallas, with this wond rycht heyr
Of the ane offerand to the Goddis makis,
And of thy wikkit blude punytioun takis.
And sayand thus, full fers, with all his mayne,
Law in his breist or cost, lay hym forgayne,
Hys swerd hes hyd full hait; and tharwythall
The cald of deid dissoluit his membris all,
The spreit of lyfe fled murnand wyth a grone,
And with disdeyn under dyrk erd is gone.