It 's a' owr — it 's owr an' bye:
It 's a' owr, owr an' bye! —
She 's taen the yae gaet — I the ither:
She 's owr the muir an' throu' the heather,
An' nicht fa's in atween us O.

It 's a' owr — it 's owr an' bye:
It 's a' owr, owr an' bye! —
An' deil-ma-care, I shanna swither —
I 'll keep the road o' hyne an' thither,
Nor cast an e'e ahin' me O.

It 's a' owr — it 's owr an' bye:
It 's a' owr, owr an' bye! —
Tho' she be fair — O wha could bide her!
An' yet I pray nae ill betide 'er
That I hae kiss't sae kindly O.