Classic Poem

Dürch swartze nacht of drynget liecht der morgen gra,
Der klaren, wolkenlosen luft ir hymel bla
Getzieret ist myt liechter svnnen glaste.
Sam ist geschonet vnde getzieret beyger lant
Mit eynen vursten, der da loset vnse phant,
Den gerenden vnde maniger hande gaste.
Her ist vür allen valsche klar alsam die luft an alle trube irkennet.
Des romeschen riches erste kieser an dem kvr,
an leyen vursten hat er sluzzel vnde tür:
Lodewich, hertzoge vnde pallenzgrabe genennet.