En attendant d'amour la joyssance,
Mon bien, m'amour, et ma seulle fiance,
Considerez le mal en quoy puys estre,
Mon palle tainct bien le donne à congnoistre,
Si vous daignez en avoir congnoissance.
Troys ans y a que suys en ceste dance,
Sans riens gaigner, fors ung peu d'esperance,
Qui me repaist à force de promettre,
En attendant.
Si loyaulté avec perseverance
De bien servir, veullent recongnoissance
De leur bien faict, plaise vous me remectre
En vostre grace, et en plaisir me mectre,
Pour me donner de mes maulx allegeance,