Classic Poem

An exhortacion to the kepynge of Walys.

Be ware of Walys, Criste Jhesu mutt us kepe,
That it make not oure childeis childe to wepe,
Ne us also, if it go his waye
By unwarenesse; seth that many a day
Men have be ferde of here rebellioun
By grete tokenes and ostentacioun.
Seche the menys wyth a discrete avyse,
And helpe that they rudely not aryse
Ffor to rebelle, that Criste it forbede;
Loke wele aboute, for, God wote, we have nede,
Unfayllyngly, unfeynynge, and unfeynte,
That concience for slought you not atteynte.
Kepe welle that grounde for harme that may bene used,
Or afore God mutt ye bene accused.