Classic Poem

Gham mujhe hasrat mujhe wehashat mujhe sauda mujhe
Aik dil de ke Khuda ne de diya kya kya mujhe

Hai husul e arazuu ka raaz tark e arazuu
Main ne duniyaa choR di to mil gai duniya mujhe

Keh ke soya hun ye apne iztaraab e shauq se
Jab wo aaein qabr par fauran jaga dena mujhe

Subah tak kya kya teri ummid ne ta'ne diye
A gaya tha sham e Gham ek neend ka jhonka mujhe

Ye namaz e ishq hai kaisa adab kis ka adab
Apne paay e namaz par karne do sajda mujhe

Dekhte hi dekhte duniya se main uth jaunga
Dekhti ki dekhti reh jaaye gi duniya mujhe