Classic Poem

Were it undo that is y-do
I wolde be-war

Y lovede a child of this cuntre,
And so y wende he had do me;
Now myself the sothe y see,
That he is far.

Were it undo that is y-do
I wolde be-war

He seyde to me he wolde be trewe,
And change me for non othur newe;
Now y sykke and am pale of hewe,
For he is far.

Were it undo that is y-do
I wolde be-war

He seide his sawus he wolde fulfille,
Therfore y lat him have al his wille;
Now y sykke and morne stille,
For he is far.

Were it undo that is y-do
I wolde be-war