Classic Poem

Ich bitte dich, mvter, reyne maget, durch dine groze kraft,
Daz du gedenkes an die hoen, waren boteschaft,
Die dir din liebe kint vnbot,
do er, vrouwe, tzv mvter din gegerte.
Die botescaft warb eyn engel, so du, vrouwe, vil wol weist;
Da vntfienges du den suzen got vnde ouch den waren geist.
Der an dem krutze leit den tot,
der lobete dich, des er dich sint gewerete,
Des tü in gebetes ymmer mer,
vil edele mvter vnde maget reyne.
Nv helf vns, süze vrouwe her,
tzv hymelriche, da die vreude ist al der werlt gemeyne!
Da soltu, vrouwe, bote syn vnde bitten din liebez kynt,
Daz wir geheizen mvzen sin mit den, die in dem rechten gevunden sint.