Classic Poem

JONNY .

T HO ' for seven years and mair honour should reave me
To fields where cannons rair, thou need na grieve thee;
For deep in my spirit thy sweets are indented,
And love shall preserve ay what love has imprinted.
Leave thee, leave thee! I 'll never leave thee,
Gang the warld as it will, dearest, believe me.

NELLY .

O Jonny, I 'm jealous whene'er ye discover
My sentiments yielding, ye 'll turn a loose rover;
And nought i' the warld wad vex my heart fairer,
If you prove inconstant, and fancy ane fairer,
Grieve me, grieve me! Oh it wad grieve me,
A' the lang night and day, if you deceive me.

JONNY .

My Nelly, let never sic fancies oppress thee,
For while my blood 's warm I 'll kindly caress ye:
Your blooming saft beauties first beeted love's fire,
Your virtue and wit make it flame ay the higher.
Leave thee, leave thee! I 'll never leave thee,
Gang the warld as it will, dearest, believe me.

NELLY .

Then, Jonny, I frankly this minute allow ye
To think me your mistress, for love gars me trow ye;
And gin ye prove fa'se, to ye'rsell be it said then,
Ye 'll win but sma' honour to wrang a kind maiden.
Reave me, reave me, heav'ns! it wad reave me
Of my rest night and day, if ye deceive me.

JONNY .

Bid icicles hammer red gauds on the studdy,
And fair simmer mornings nae mair appear ruddy;
Bid Britons think ae gate; and when they obey ye,
But never till that time, believe I 'll betray ye:
Leave thee, leave thee! I 'll never leave thee,
The stars shall gang withershins e'er I deceive thee.