Classic Poem

Och hey! Johnnie lad,
Ye're no sae kind's ye shou'd ha'e been,
Och hey! Johnnie lad,
Ye didna keep your tryst yestreen.
I waited lang beside the wood,
Sae wae and weary a' my lane,
Och hey! Johnnie lad,
Ye're no sae kind's ye shou'd ha'e been.

I looked by the whinny knowe,
I looked by the firs sae green,
I looked owre the spunkie howe,
And aye I thought ye would ha'e been.
The ne'er a supper crost my craig,
The ne'er a sleep has clos'd my een,
Och hey! Johnnie lad,
Ye're no sae kind's ye shou'd ha'e been.

Gin ye were waiting by the wood,
Then I was waiting by the thorn,
I thought it was the place we set,
And waited maist till dawning morn.
Sae be na vext, my bonny lassie,
Let my waiting stand for thine,
We'll awa' to Craigton shaw,
And seek the joys we tint yestreen.