Classic Poem

My heart is lock'd against the lads,
'Tis little they can see o't:
They needna try its springs to pry,
For Johnny keeps the key o't.

Auld Aunty says I scorn them a',
And that I shouldna do it,
For lang ere I'm as auld as she
I chance may sairly rue it.

She says I'm but a pridefu' queen,
My heart, I've nane to gie o't;
But little, little does she ken
That Johnny keeps the key o't.

For scorn I'm surely no to blame,
There's nane o' them will dee o't,
But oh, ma hert is no ma ain,
For Johnny keeps the key o't!