Classic Poem

The lasses of the Canongate
[M]ay kaim their yellow hair
But Leslie's bonny men I trow
[R]eturn to them nae mair.

O bonny are your looks, my dears
And bright your bonny e'en
But hame come not the lads the night
That marched away yestreen.

They gaed by Colrunspath to fight
An army brave and fair
But Crommel wi' the foul friends' help
Has blawn them to the air

Has blawn them to the air, my dears
Has skailed them wide and far.
O wae light on't that Scottish men
Should tine the art of war!

And many a blooming face last night
Is pale and cauld the day
Their broken arms bestrew the ground
They're slain or fled away

For lovers' hands the horses' hoofs
Caress those faces dear:
In gory mud, our bonny men,
Thurst down by sword and spear!

The lasses of the Canongate &c &c—nae mair-(!)-