Classic Poem

New Holland is a barren place, in it there grows no grain,
Nor any habitation wherein for to remain;
But the sugar canes are plenty and the wine draps frae the tree,
And the Lowlands of Holland has twin'd my Love and me.

My Love has built a bony ship, and set her on the Sea,
With seven score good Mariners to bear her Company;
There's threescore is sunk and threescore dead at Sea
And the Lowlands of Holland has twin'd my Love and me.

My Love he built another ship and set her on the Main,
And nane but twenty Mariners for to bring her hame;
But the weary wind began to rise and the sea began to rout,
My love then and his bonny ship turn'd withershins about.

There shall neither Coif come on my head nor Comb come on my hair,
There shall neither Coal nor candle light shine in my Bower mair,
Nor will I love another one until the day I die,
For I never lov'd a Love but one and he's drowned in the Sea.

O had your tongue my Daughter dear, be still and be content,
There are mair Lads in Galloway, ye need nae sair lament;
O! there is none in Gallow, there's none at a' for me,
For I never lov'd a Love but one and he's drowned in the Sea.