Classic Poem

I.

I LO'E my ain wee fisher boy,
He's bold an' bonny — bonny an' bold,
An' aye there is a glint o' joy
A-lyin' 'mang his locks o' gold.

II.

His gaud is o' the rowan rare;
It's braw an' bonny — bonny an' braw;
His creel is o' the saugh sae fair
That flowers below the castil wa'

III.

I lo'e him for his sunny e'e,
Sae blue an' sunny — sunny an' blue;
There's glitterin' starns 'neath mony a bree
But nane sae tender or sae true.

IV.

I lo'e him for his gentle airt,
Wi' line an' angle — angle an' line,
He's captive ta'en my silly heart,
This bonny fisher boy o' mine!