Classic Poem

Nazar se justajuu bekaar nikalii,
Khud apane aap se do-chaar nikalii,

Kirad ko thii ye Khushfahamii ki dar hai
pas-e-diivaar bhii diivaar nikalii,

mujhe hasarat thii jis taab-e-suKhan kii,
vahii shai is kii bhii darkaar nikalii,

chhuTaa aaKhir ko duniyaa se to dekhaa,
mohabbat hii gale kaa haar nikalii,

nigaahe.n jhuk gaiii.n jab Khudpasandii,
barahanaa barasar-e-darbaar nikalii,

nihaal-e-fiqr kii shaaKhe.n namuudaar,
qalam hokar bhii kyaa gulnaar nikalii,

bhalaa hotaa hai kyaa kahane se 'Haqqi',
chalo kuchh Khvaahish-e-izhaar nikalii.