Classic Poem

O reiserey, du hartte speis,
wie dustu mir so ant ym pauch!
jm stro so peissen mich die leus,
die leilach sind mir uil czu rauch.
Ich thumer gauch, wor vmb thun ich das?
bey einem p u ger wer mir pas,
vnd hulff der dirne mehen das gras.

So geb sye mir ein rossen krancz,
der macht mich frisch vnd wolgemut.
Mit der ging ich an den abent tancz.
Mein sach ward slecht, das pett ward gut,
so wer ich aller sorgen ab,
die ich ym reuters leben hab:
Ich han kein gelt, wo ich hin trab.