Classic Poem

Auld Noah was at hame wi' them a',
The lion and the lamb,
Pair by pair they entered the Ark
And he took them as they cam.

If twa o' ilka beist there is
Into this room sud come,
Wad I cud welcome them like him,
And no' staun' gowpin' dumb!

Be chief wi' them and they wi' me
And a' wi' ane anither
As Noah and his couples were
There in the Ark thegither.

It's fain I'd mell wi' tiger and tit,
Wi' elephant and eel,
But noo-a-days e'en wi' ain's se
At hame it's hard to feel.