Classic Poem

And wasna he a roguey,
A roguey, a roguey,
And wasna he a roguey,
The piper o' Dundee?
The piper came to our town,
To our town, to our town,
The piper came to our town,
And he played bonnilie.
He played a spring the laird to please,
A spring brent new frae yont the seas;
And then he ga'e his bags a wheeze,
And played anither key.

He played The welcome owre the main ,
And Ye'se be fou and I'se be fain ,
And Auld Stuarts back again ,
Wi' muckle mirth and glee.
He played The Kirk , he played The Quier ,
The Mullin Dhu and Chevalier ,
And Lang awa', but welcome here ,
Sae sweet, sae bonnilie.

It's some gat swords, and some gat nane,
And some were dancing mad their lane,
And mony a vow o' weir was ta'en
That night at Amulrie!
There was Tullibardine and Burleigh,
And Struan, Keith, and Ogilvie,
And brave Carnegie, wha but he,
The piper o' Dundee?