Classic Poem

Almighty God, Fader of Hevene,
For Christes love that dyde on Rode,
I praye thee, Lorde, thou here my stevene,
And fulfill my will in gode.

Christ, thy Fader for me praye,
For hir love thou lighted inne,
He yeve me might, or that I die,
Me to amende of all my sinne.

The Holy Ghost, thou graunte me grace
With such werkes my lif to lede
That I may se God in his face
On Domesday, withouten drede.

Marye, thy sone for me thou praye,
He yeve me grace, or that I wende,
That I have, after I die,
The blisse of Hevene withouten ende.

Fader and Sone and Holy Ghost,
All one God and Persones three,
Almighty God of mightes most,
Lord, thou have mercy on me.

And on alle that mercy nede for charite.
Amen, par amore, Amen.