Classic Poem

For the sake of somebody,
For the sake of somebody,
I cou'd wake a winter night
For the sake of somebody.
I am gawn to seek a wife,
I am gawn to buy a plaidy;
I have three stane of woo,
Carling, is thy daughter ready?
For the sake of somebody, &c.

Betty, lassie, say 't thysell,
Tho' thy dame be ill to shoo,
First we 'll buckle, then we 'll tell,
Let her flyte and syne come too:
What signifies a mither's gloom,
When love and kisses come in play?
Shou'd we wither in our bloom,
And in simmer mak nae hay?
For the sake, &c.

SHE .

Bonny lad, I carena by,
Tho' I try my luck with thee,
Since ye are content to tye
The haff mark bridal band wi' me:
I 'll slip hame and wash my feet,
And steal on linnings fair and clean,
Syne at the trysting-place we 'll meet,
To do but what my dame has done.
For the sake, &c.

HE .

Now my lovely Betty gives
Consent in sic a heartsome gate,
It me frae a' my care relieves,
And doubts that gart me aft look blate:
Then let us gang and get the grace,
For they that have an appetite
Shou'd eat; and lovers shou'd embrace;
If these be faults, 'tis nature's wyte.
For the sake, &c.