Classic Poem

1

Schir, at this feist of benefice
Think that small partis makis grit seruice,
And equale distributioun
Makis thame content that hes ressoun,
And quha hes nane ar plesit na wyis.

2

Schir, quhiddir is it mereit mair
To gif him drink that thristis sair,
Or fill a fow man quhill he brist,
And lat his fallow de a thrist,
Quhilk wyne to drink als worthie war?

3

It is no glaid collatioun,
Quhair ane makis myrrie, ane vther lukis doun,
Ane thristis, ane vther playis cop out.
Lat anis the cop ga round about,
And wyn the covanis banesoun.