Classic Poem

Shabnam ke aansu phool par yeh to wahi qissa hua
Ankhen miri bhigi hui chehra tira utra hua

Ab in dinon meri ghazal khushboo ki ek tasveer hai
Har lafz ghunche ki tarah khil kar tira chehra hua

Shayad use bhi Ie gaye achchhe dinon ke qafle
is bagh me in ek phool tha teri tarah hansta hua

Har cheez hai bazar mein is haath de us haath Ie
Izzat gayi shohrat gayi ruswa hue charcha hua

Mandir gaye masjid gaye, peeron faqeeron se mile
Ek usko pane ke liye kya kya kiya kya kya hua

Anmol moti pyar ke duniya churakar Ie gayi
Dil ki haweli me in koi darwaza tha toota hua

Barsaat mein dewar-o-dar ki sari tahriren mitin
Dhoya bahut mitta nahin taqdeer ka likkha hua