Classic Poem

My cheek is faded sair, love,
An' lichtless fa's my e'e;
My breast a' lane and bare, love,
Has aye a beild for thee
My breast, though lane and bare, love,
The hame o' cauld despair, love,
Yet ye've a dwallin' there, love,
A' darksome though it be.

Yon guarded roses glowin',
It's wha daur min't to pu'?
But aye the wee bit gowan
Ilk reckless hand may strew.
An' aye the wee, wee gowan,
Unsheltered, lanely growin',
Unkent, uncared its ruin,
Sae marklessly it grew.

An' am I left to rue, then,
Wha ne'er kent Love but thee;
An' gae a love as true, then,
As woman's heart can gie?
But can ye cauldly view, then,
A bosom burstin' fu', then?
An' hae ye broken noo, then,
The heart ye sought frae me?