Classic Poem

Swelich ivnger herre balde lob vnde ere erwerben wil,
Der sol der messe vnde des gebetes achten nicht tzv vil.
Eyn nvchter trunc sin morgen segen,
Slynt er den vrü, wie mac ym misselingen?
Eyn ivnger herre vaste liegen vnde triegen sol,
Ot vil gedreuwen vnde lutzel tvn, daz tzymt ym allez wol.
Er sol ouch boser worte phlegen,
Nach lotere vnde nach hüre vaste ringen.
Er sol vnteres grüzes syn
Vnde vber dem tische iemerlich gebaren.
Die güten spise vnde ot den win
Sol er vürmvchen, Dar tzv sol er eynes wynkeles varen.
Meyneyde vnde ouch vnendelich, daz ist allez wol getan,
Den vrivnden wolf, den vienden scaf vnde syne diener in den noten lan.