Classic Poem

A voz amys nulle chose advenue
Onc ne pleut tant que vous voir parvenue
Aux grandz honneurs dont estes jouissante,
Car bien valloit Beauté si florissante
Estre des grandz aymée et soustenue.

Mais depuis lors que vous estes venue
A ces faveurs, vous estes devenue
(Pardonnez-moy) un peu mescongnoissante
A voz amys.
Leur servitude et foy si bien tenue
Meritoit bien estre myeux recongneue
Sans voir ainsi la vostre languissante.
Au moings pleust-il à la Bonté puissante
Donner oubly et vous rendre incongneue