Classic Poem

A DIRGE

I.

Blyth days are gane
And on comes winter weary O,
Wi' the lang nichts and cauld
Aye sae eerie
For them lie their lane.

II.

Snaw haps the hills —
The leafless woods are dreary O,
And the sma' birds that sing
And would cheer me,
Nae mair gie their trills.

III.

Cauld, cauld and blae
Whar I hae loved sincerely O,
And it 's winter wi' me,
O severely!
And kindless the day.

IV.

A' ways I turn
The looks I meet they fear me O;
For the laddie that vowed,
Should be near me —
A shield frae their spurn.

V.

Oh Love sae fair!
Your flowers are won but dearly O,
Yet I rue na the day
Ye cam' near me,
Nor a' I maun bear.