Classic Poem

Wo apne ghar chalaa gayaa afsos mat karo
Itnaa hi us ka saath thaa afsos mat karo

Insaan apne aap mein majboor hai bahut
Koi nahin hai bewafa afsos mat karo

Is baar tum ko aane mein kuchh der ho gayi
Thak haar key wo so gaya afsos mat karo

Is zindagi key mujh pe kai qarz hein magar
Main jald laut aaunga afsos mat karo

Ye dekho phir se aagayin phoolon pe titliyan
Ek roz wo bhi aayega afsos mat karo