Classic Poem

Yaad ab khud ko aa rahe hain ham
Kuch dinon tak khuda rahe hain ham

Aarzuon key surkh phoolon se
Dil ki basti sajaa rahe hain ham

Aaj to apni khaamoshi mein bhi
Teri aawaz paa rahe hain ham

Baat kya hai phir zamaane
Yaad rah rah key aa rahe hain ham

Zindagi ab to saadgi se mil
Baad sadiyon key aa rahe hain ham

Ab hamein dekh bhi na paoge
Itne nazdeek aa rahe hain ham

Ghazlen ab tak sharaab piti thin
Neem ka ras pila rahe hain ham