Classic Poem

I.

The yellow fins o' Yarrow dale!
I kenna what they've gane tae;
Were ever troots in Border vale
Sae comely or sae dainty?

II.

They had baith gowd and spanglit rings,
Wi' walth o' pearl amang them;
An' for sweet luve o' the bonny things,
The heart was laith to wrang them.

III.

BuThe that angles Yarrow ower,
(Maun changes ever waken?)
Frae our Lady's Loch to Newark Tower,
Will find the stream forsaken.

IV.

Forsaken ilka bank an' stane
O' a' its troots o' splendour;
Auld Yarrow's left sae lorn and lane,
Ane scarcely wad hae kenn'd her.

V.

Waes me! the auncient yellow fin
I marvel whar he's gane tae;
Was ever troot in Forest rin
Sae comely or sae dainty!