Bint-e-Lamhaat
tumharey lehjey maiN jo garmi-o-halavat hai
isey bhala sa koi naam do vafaa ki jagah
Ghuneem-e-noor ka hamla kahoo andhairooN par
diyyar-e-dard maiN aamud kahoo maseeha ki
ravaaN-davaaN hoey KhushbooN ke qafley her soo
Khalaa-e-subh maiN goonji sehar ki shehnai
ye ek kohraa sa, yeh dhoondh si jo chaii hai
is iltihaab maiN, surmageeN ujaley maiN
siva tumharey mujhey kuch nazar nahi aata
hayaat naam hai yadooN ka talKh aur sheereeeN
bhala kisi nay kabhi rung-o-boo ko pakd.ra hai
shafaq ko qaid main rakhaa sabaa ko band kia
her ek lamhey guraizaaN haiN jaisey dushman hai
na tum miloo gee na maiN, hum bhi dono lamhey haiN
voh lamhey jo ja ke wapis kabhi nahi aatey
Reviews
No reviews yet.