Kaise chhupaa_uu.N raaz-e-Gam diidaa-e-tar ko kyaa karuu.N

by Hasrat Mohani

Kaise chhupaauu.N raaz-e-Gam diidaa-e-tar ko kyaa karuu.N
dil kii tapish ko kyaa karuu.N soz-e-jigar ko kyaa karuu.N

shorish-e-aashiqii kahaa.N aur merii saadagii kahaa.N
husn ko tere kyaa kahuu.N apanii nazar ko kyaa kahuu.N

Gam kaa na dil me.n ho guzar vasl kii shab ho yuu.N basar
sab ye qubuul hai magar Khauf-e-sahar ko kyaa karuu.N

haal meraa thaa jab butar tab na huii tumhe.n Khabar
baad mere huaa asar ab mai.n asar ko kyaa karuu.N

Rate this poem: 

Reviews

Post review

No reviews yet.

Report violation