Classic Poem

The sun shines high on yonder hill,
And low on yonder den;
And the place where my bonnie lovie does dwell,
The sun goes never doon, bonnie lovie,
The sun goes never doon.

Saddle me the black, the black,
And saddle me the broon,
That I may ride a' roon, bonnie lovie,
That I may ride a' roon.

When will ye come back, bonnie lovie,
And when will ye be hame?
When the heather hills are nine times brunt
And a' grown green again, bonnie lovie,
And a' grown green again.

That 's owre lang awa', bonnie lovie,
Oh, that 's owre lang frae hame;
Your baby that is yet unborn
Will be owre lang wantin' its name, bonie lovie,
Will be owre lang wantin' its name.

He turned his high horse head about,
And fast, fast on rode he;
She kilted up her gay clothing,
And fast, fast followed she, bonie lovie,
And fast, fast followed she.

At the first toon that they cam' till
He bought her stockings and sheen;
He bade her rue and return noo,
And gang nae further wi' 'im, bonnie lovie,
And gang nae further wi' 'im.

It 's love for love that I do want,
It 's love for love again;
It 's hard that I love you sae weel,
And you nae me again, bonnie lovie,
And you nae me again.

At the next toon that they cam' till
He bought her a wedding goon;
He bade her rue and return noo,
And gang nae further wi' im, bonnie lovie,
And gang nae further wi' 'im.

It 's love for love that I do want,
It 's love for love again;
It 's hard that I love you sae weel,
And you nae me again, bonnie lovie,
And you nae me again.

At the next toon that they cam' till
He bought her a brooch and a ring;
He bade her dry up her red rosy cheeks,
And he wad tak' 'er wi' 'im, bonnie lovie,
And he wad tak' 'er wi' 'im.

There 's comfort for the comfortless,
And honey for the bee;
There 's comfort for the comfortless,
But nane but thee for me, bonnie lovie,
But nane but thee for me.